Skip to main content

Posts

Showing posts from June, 2022

Dadpe Pohe

  #रेणूरसोई  #दडपे #पोहे हे पोहे अतिशय चवदार लागतात व पटकन होतात.  आपण पोहे दडपून मुरायला ठेवतो म्हणून याचे नाव दडपे पोहे असे आहे. ही रेसिपी प्रत्येक घरी वेगवेगळ्या प्रकारे केली जाऊ शकते. साहित्य  एक वाटी... दीडशे मिली लिटर  •पातळ / नायलॉन पोहे ...दोन वाट्या  •कांदा चिरून... दोन टेबलस्पून  •शेंगदाणे ....एक टेबलस्पून  •ओले खोबरे ...दोन टेबलस्पून  •तेल... दोन टेबलस्पून  •मोहरी ...पाव टीस्पून  •मेतकूट... एक टीस्पून  •तिखट... अर्धा टी स्पून  •मीठ ...अर्धा टीस्पून  •हिरवी मिरची चिरून... एक टीस्पून  •कोथिंबीर चिरून... एक टेबलस्पून  •किसलेली कैरी एक टेबलस्पून किंवा लिंबू रस दोन टीस्पून •साखर ...अर्धा टी स्पून •पोह्याचा पापड तळून...एक कृती... •प्रथम एका छोट्या कढ‌ईत तेल तापवून शेंगदाणे खमंग तळून घ्यावेत व बाजूला काढावेत .नंतर त्याच तेलात मोहरी घालून मोहरी तडतडल्यावर गॅस बंद करावा. ही आपली फोडणी तयार झाली.  •एका पसरट भांड्यात पातळ पोहे त्याच्यावर मेतकूट, साखर, मीठ ,तिखट ,मिरचीचे तुकडे , चिरलेला कांदा व कोथिंबीर, तळलेले शेंगदाणे, किसलेली कैरी ,खोबऱ्याचा कीस, सगळे घालून घ्यावे व छान कालवावे.  •नं

Coconut Pohe... Marathi

  #रेणू #रसोई #नारळ #पोहे माझा एका कोकणी मैत्रिणी ची रेसिपी... हे आहेत फोडणीचे पोहे पण कांदा बटाटा काहीही न घालता... अतिशय झटपट व चवदार चविष्ट.... पण घरी खवलेले ओले नारळ मात्र हवे....  कांदा बटाटा घातला नाही तरीही खमंग लागतात.... साहित्य *जाड पोहे ...२ वाटी स्वच्छ धुवून, रोळीत निथळून 1 वाटी... 150 मिली *ओले खोबरे... 3/4 वाटी *हिरव्या मिरच्या... 4 चिरून *कढीपत्त्याची पाने...10-12 *लिंबू रस... 2 टिस्पून *साखर... 1.5 टिस्पून *मीठ... 1.5 टिस्पून *तेल... 3 टेबलस्पून *मोहरी...1/4 टिस्पून *जीरे... 1/4 टिस्पून *हिंग पुड... 1/4 टिस्पून  कृती... *कढईत तेलाची मोहरी...जिरे घालून फोडणी झाली की हिंग व हिरव्या मिरच्या, कढीपत्ता घालून पाऊण वाटी ओले खोबरे घालून परतावे, *लिंबू  रस व पोहे घालून छान एकत्र करून , झाकण ठेवून वाफ आणावी. *आपले खमंग पोहे तयार... टिप...फोडणीत उडीद डाळ घालून पण करू शकतो.

Moong Dal Paratha... Marathi

  #रेणुरसोई  #मूग #डाळ #पराठा  मूग डाळ पराठा  हे पराठे अतिशय चवदार आणि चविष्ट लागतात.  ते प्रथिनयुक्त असल्यामुळे पौष्टिक सुद्धा आहेत.  अतिशय साधे आणि सहज घरी उपलब्ध असलेल्या साहित्य घालून होतात.  तुम्ही हे पराठे नाश्त्यासाठी  करू शकता, आॅफीस व शाळेच्या डब्यात, प्रवासाला जाताना पण नेऊ शकता.   ही एक पारंपारिक राजस्थानी रेसिपी आहे.  साहित्य...  *पिवळी मूग डाळ ....1 वाटी  1 वाटी...150 मि.ली  *गव्हाचे पीठ.... 2 वाट्या  *मीठ... 2 टीस्पून  *लाल तिखट... 1 टीस्पून  *हळद... 1/2 टीस्पून  *हिरव्या मिरच्या... 3... बारीक चिरून  * चिरलेली कोथिंबीर... 2 टेबलस्पून  * किसलेले आले... 1 टीस्पून  *हिंग पुड... 1/4 टीस्पून  *पीठात घालण्यासाठी तेल, मोहन... 1 टेलस्पून  *पराठा भाजण्यासाठी तेल... 1/4 वाटी  पद्धत...  * मूग डाळ धुवून पुरेशा पाण्यात २ तास भिजत ठेवा.  २ तासांनंतर डाळ बोटांनी दाबुन पहा, बोटाने दाबून पहा. मउ झाली म्हणजे डाळ भिजली. तयार आहे.  डाळीतले पाणी काढून टाका आणि बाजूला ठेवा.  *आता ही डाळ दुसऱ्या एका परातीत घेऊन त्यात  तेल मोहन म्हणून, मीठ, तिखट, हळद, हिंग, किसलेले आले, हिरवी मिरची आणि कोथिंबीर