#रेणूरसोई #मोदक #उकडीचे उकडीचे मोदक विघ्नहर्ता श्री गणेश हे आपल्या सगळ्यांचेच आवडते दैवत 🙏🏻 बुद्धी ची देवता, सुखकर्ता, दुःखहर्ता अशा या गणरायाला अतिशय प्रिय असणारा प्रसाद म्हणजे मोदक... घरोघरी होणारे मोदक हे तितकाच आनंद देतात व वेगवेगळ्या चवीचे, आकाराचे असतात... आज बघु या उकडीचे मोदक... साहित्य... 1 वाटी... 150 मिली. *तांदूळ पिठी... 1 वाटी *पाणी... 1 वाटी *मीठ... 1/4 टिस्पून *तुप... 1 टिस्पून *ओले खोबरे किसून... 1 वाटी गच्च भरून *गुळ चिरून... 1/2 वाटी *वेलदोडे पूड... 1/4 टिस्पून (ऐच्छिक) कृती... *एक वाटी गच्च भरून ओल्या खोबऱ्याचा कीस व अर्धी वाटी गूळ हे मिश्रण एका जाड बुडाच्या कढईत घालून छान एकत्र करावे. मध्यम आचेवर गॅसवर गुळ विरघळेपर्यंत शिजवून घ्यावे. आवडत असल्यास वेलदोडा पुड घालावी. *एक वाटी पाणी ,चिमूटभर मीठ व एक टीस्पून तूप एका जाड बुडाच्या कढईत किंवा भांड्यात उकळायला ठेवावे . *उकळी आल्यावर गॅस बंद करून ,एक वाटी तांदूळ पीठ घालावे छान एकत्र करावे .पुन्हा गॅस चालू करून त्यावर झाकण दोन मिनिटं वाफ द्यावी. *गॅस बंद करून, दहा ते पंधरा मिनिटे तसेच राहू द्यावे . * नंतर उकड
लाल मिरची ची चटणी
#रेणूरसोई
#रेणूरसोई
लाल मिरची ची चटणी
बाजारात रसरशीत लाल भडक रंगाच्या ओल्या मिरच्या मिळत आहेत... त्या पाहिल्या बरोबर घ्यायचा मोह होतोच ☺️
आज पाहू या एक वेगळ्याच प्रकारची चटणी... अतिशय चवदार, चटकदार पण तिखट फार नाही ....पण सगळ्यांना आवडेल अशी
साहित्य...
*लाल ओल्या मिरच्या धुवुन, व मोठे मोठे तुकडे करून ... 1 वाटी
1 वाटी... 150 मिली
*लसूण पाकळ्या सोलून... 5..6
*सुके खोबरे किस... 3 टेबलस्पून
*भाजलेले शेंगदाणे.... 3 टेबलस्पून
*मीठ... 1 टिस्पून
*जीरे... 1/2 टिस्पून
*तेल... 2 टेबलस्पून
*लिंबू रस... 1 टेबलस्पून
*मोहरी... 1/4 टिस्पून
*हिंग पुड... 1/4 टिस्पून
कृती...
*लाल मिरच्या मीठ जिरे व लिंबू रस मिक्सर मधून वाटून घ्या.
*नंतर पुन्हा त्यात खोबरे किस व शेंगदाणे घालून जाडसर वाटून घ्या.
*नंतर एका कढईत येईल तेल तापवून मोहरी घालून ती तडतडल्यावर हिंगपूड व वाटलेले मिरचीचे मिश्रण घालून मंद आचेवर मोकळी होईपर्यंत परता.
*आपली चटकदार मिरची ची चटणी तयार आहे.
*दोन दिवस बाहेर चांगली राहते, वाटल्यास फ्रीजमध्ये ठेवावे.
*तुम्ही लसूण न घालता पण करू शकता.
Mast
ReplyDelete