Bhel... Recipe in Marathi

 

 #रेणुरसोई

#भेळ

भेळ आवडत नाही अशी व्यक्ती विरळाच...

अनेक चवदार, चटपटीत पदार्थांचे संमेलन म्हणजे भेळ....

थोडी कुरकुरीत, आंबटगोड, तिखट... ट्टाॅक

😋😋😋😋😋

आमच्या घरी तर रविवारी संध्याकाळी जेवण न करता भेळ केली तरी चालते.... 

या भेळे साठी लागणारी शेव, बुंदी, पापडी सर्व काही घरीच केले आहे...

 साहित्य....

 *मुरमुरे ... 6 वाटी

 1 वाटी...150 मि.ली

 *गाठी पापडी... 1 वाटी

 *शेव... 1 वाटी

 *खारी बुंदी... 1/2 वाटी

 *शेंगदाणे... 1/2 वाटी

 *उकडून चिरलेले बटाटे... 1 वाटी

 *चिरलेला कांदा...1/2 वाटी

 * चिरलेली कोथिंबीर... 3 टेबलस्पून

 *हिरवी चटणी.... 1/2 वाटी

 *चिंचेची चटणी... 1 वाटी

 *मीठ आणि तिखट.... आवडीनुसार

 कृती....

 *कढईत १ टेबलस्पून तेल गरम करून त्यात शेंगदाणे घालून मंद आचेवर कुरकुरीत होईपर्यंत परतावे.  त्यांना बाजूला ठेवा, गार होऊ द्या.

 *मुरमुरे, उकडलेले बटाटे, 1/4 वाटी चिरलेला कांदा, थोडी कोथिंबीर, 1/2  वाटी प्रत्येकी शेव, पापडी, बुंदी, तळलेले शेंगदाणे, 1 चमचा हिरवी चटणी, 3 चमचे चिंचेची चटणी, तिखट आणि मीठ घालून छान एकत्र करावे.  

 तुमच्या आवडीनुसार सर्व साहित्य घालून करा.

 * सर्व्ह करताना पुन्हा थोडी हिरवी चटणी, चिंचेची चटणी घालून शेव, चिरलेली कोथिंबीर आणि कांदे घालून सजवा.

 *हिरवी चटणी...

 हिरवी मिरची...10 चिरून

 चिरलेली कोथिंबीर...1/2 वाटी

 लिंबाचा रस... 1 टेबलस्पून

 मीठ... 1/2 टीस्पून

 जिरे... 1/4 टीस्पून

 * सगळे साहित्य एकत्र करा, 2 टिस्पून पाणी घालून  मिक्सरमधून चटणी वाटून घ्या.

*चटणी टिकावी म्हणून फ्रीजमध्ये ठेवावे, 2..3 दिवस टिकते.

 

 *चिंचेची चटणी....

 चिंच...3 टेबलस्पून

 गूळ... 2 टेबलस्पून

 धने पूड .. 1 टीस्पून

 काळे मीठ ... 1/2 टीस्पून

 तिखट... 1/4 टीस्पून

 * चिंच कोमट पाण्यात ३० मिनिटे भिजत ठेवा.  

नंतर छान कोळून घ्या. त्यात गुळ, धनेपूड, काळे मीठ व तिखट घालावे.

चवीनुसार थोडे साधे मीठ घालून चव पाहून घ्या.

मस्त आंबट गोड चटपटीत चव आली पाहिजे.

* एका काचेच्या बरणीत भरून फ्रीजमध्ये ठेवावे.

* तुम्ही ही चटणी रोजच्या स्वयंपाकात भाजी, आमटी त पण वापरू शकता.

शेव, पापडी, बुंदी एक दिवस करा. मग दुसऱ्या दिवशी भेळ करून आस्वाद घ्या...

 *शेव...पापडी

 सविस्तर रेसिपी खालील लिंकवर....

 http://www.renurasoi.com/2019/06/shevgathipapadi.html?m=1

 *खारी बुंदी

 खारी बुंदीची सविस्तर रेसिपी खालील लिंकवर...

 http://www.renurasoi.com/2020/05/khari-boondi.html?m=1