Methi/ Fenugreek Appe

 

#रेणूरसोई

#मेथी #आप्पे

मेथी चे आप्पे

सध्या अतिशय चवदार अशी मेथी ची भाजी बाजारात मिळते आहे. ही भाजी चवदार व औषधी पण आहे.

तेंव्हा आज केले आहेत चवदार चविष्ट आपले जे मधुमेह झालेल्या लोकांना पण पोटभर खाता येतील. 

पीठ आंबवुन किंवा न आंबवता केले तरी अतिशय अप्रतिम लागतात.

हे आप्पे अतिशय खमंग व खुसखुशीत लागतात. सर्व्ह करताना वेगळी चटणी नाही केली तरी चालेल.

साहित्य....

*हिरवी मुगाची डाळ...१ वाटी

*रवा...१ वाटी

*दही...आंबट...१ वाटी

*पाणी...१ वाटी

*कांदा चिरून... १ वाटी

*मेथी स्वच्छ धुऊन चिरून...१ वाटी

*आले किस...१ टिस्पून

*मीठ.... २ टिस्पून

*मिरेपूड...१/२ टिस्पून

*हिरवी मिरची... बारीक चिरून...२

*कोथिंबीर चिरून...१/२ वाटी

*हळद...१/४ टिस्पून

*खोबरेल तेल...१/२ वाटी

कृती....

*मुग डाळ कोरडीच मिक्सरमध्ये घालून वाटून घ्या. थोडी जाडसर पण चालेल.

*खोबरेल तेल सोडून बाकी सर्व साहित्य छान एकत्र करून घ्या.

*३० मिनिटे मुरु द्या. रात्रभर भिजवून ठेवले तरी चालेल. फ्रीजमध्ये ठेवु शकता.

*आप्पेपात्र गॅसवर ३ मिनिटे गरम करून, मग

खोबरेल तेल लावून घ्यावे. वरील पिठ छान एकत्र करून,पात्रात घालून बाजुने व वरून खोबरेल तेल सोडावे. झाकण ठेवून २ मिनिटांनी झाकण काढून चमच्याने अलगद पलटवुन, दुसऱ्या बाजूने पण खमंग कुरकुरीत करून घ्या.

*गरम गरम तर छान लागतातच, पण गार सुद्धा चवदार लागतात.

*तुम्ही रवा न घालता गव्हाचा दलीया , भिजवून वाटून घालु शकता. गव्हाच्या दलीया सोबत च मुगडाळ पण भिजवून घ्या.

*दही, कोथिंबीर, आले, मिरची असल्याने वेगळ्या चटणी ची गरज नाही.

*कर्बोदके, प्रोटीन्स, व्हिटॅमिन्स ने परीपुर्ण तरीही खमंग व रूचकर.

*खोबरेल तेल घातल्यामुळे खमंग तर आहेच व अल्झायमर सारख्या रोगाला दुर ठेवण्यास मदत होते.

*सकाळी केलेले आप्पे रात्री पर्यंत छान लागतात व राहतात.