Peanuts Ladoo

#रेणूरसोई

शेंगदाणे लाडू

शेंगदाण्याचे हे लाडू अतिशय मऊ, चवदार चविष्ट आहेत.

छोट्या-मोठ्या भुकेसाठी उत्तम आहेत लहान मोठे सगळे खाऊ शकतात व सर्वांना अतिशय आवडतात. 

गुलाबी थंडीत तर गुळ व दाणे , किंवा तिळ व गुळ अतिशय आवश्यक आहे .... त्वचा स्निग्ध होते....शरीराला उर्जा मिळते... बिस्कीट खाण्यापेक्षा शतपट पौष्टिक....

तेव्हा बघूया शेंगदाण्याचे लाडू...

साहित्य....

*शेंगदाणे.... 2 वाटी

1 वाटी...150 मिली

*गुळ चिरून... 1 वाटी

*साजूक तूप... 1 टिस्पून

*दुध... 1 टेबलस्पून

*वेलची पूड...1/4 टिस्पून... ऐच्छिक

कृती...

*शेंगदाणे मंद आचेवर खमंग भाजून घ्या.

गार झाल्यावर साले न काढता, मिक्सरमध्ये बारीक वाटून घ्यावे. वाटताना अधूनमधून मिक्सर चे झाकण काढून चमचा वापरून वर खाली करून घ्या. जाडसर वाटले तरी चालेल.

हा शेंगदाणे कूट एका पसरट भांड्यात किंवा परातीत काढून घ्या.

*गॅस वर  एका जाड बुडाच्या कढईत तूप घालून लगेच गुळ व दुध घालून, चमच्याने ढवळत राहावे. गुळ विरघळला कि गॅस बंद करावा. हि कृती मंद आचेवर करा.

*वेलची पूड घालावी, व हा पाक परातीतील शेंगदाणे कूट मिश्रणात घालून चमच्याने छान एकत्र करावे. दोन चार मिनिटे छान एकत्र करावे.

*मिश्रण कोमट झाले की हाताच्या सहाय्याने छान मोकळे करून आपल्या आवडीच्या आकाराचे लाडू वळावेत.

*अंदाजे दहा ते बारा लाडू होतात.