Stuffed Dal Dhokali

#रेणूरसोई

#वरण #फळं #stuffed

भरली वरण फळं

हा एक one dish meal चा प्रकार आहे.

थोडी पुर्व तयारी मात्र करावी लागते ....

आमच्या घरी बरेच वेळा हा प्रकार होतो...

अतिशय चवदार चविष्ट व पुर्ण जेवण होते, सोबतीला आवडत असतील तर कुरकुरीत पापड...

हा पदार्थ मी अगदी घरी जेवायला आलेल्या तरूण भाचे मंडळींसाठी पण केला आहे...व सर्वांना फार आवडतो .

 मसाल्यां व्यतिरिक्त कार्बोहायड्रेट आणि प्रथिने युक्त... असल्याने पौष्टिक व समतोलआहार आहे....

 साहित्य ...

 वरणा साठी

 * तुरीची डाळ ... 1 वाटी

1 वाटी... 150 मिली

 * मीठ ... 1.5 टीस्पून

 * हिरव्या मिरच्या ....4 चिरून

 * तेल ... 4 टेबलस्पून

 * मोहरी  ... 1/4 टीस्पून

 * हिंग पुड ... 1/4 टीस्पून

 * कढीपत्त्याची पाने...10..12

 * चिंचेचा कोळ... 1 टेबलस्पून

 * गुळ ... 1/2 टेबलस्पून

 * गोडा मसाला... 1 टिस्पून

 फळांसाठी ...

 * गव्हाचे पीठ ... 1 वाटी

 * तेल ... 3 टीस्पून

 * मीठ ... 3/4 टीस्पून

 * लाल तिखट ... 1/2 टीस्पून

 * हळद ... 1/4 टीस्पून

 * जिरे ... 1/4 टीस्पून

 * ओवा ... 1/4 टीस्पून

मसाला/ आतील सारण...

*उकडलेले बटाटे, साले काढून किसून...1.5 वाटी

*आले लसूण वाटून...1/4 टिस्पून

*मीठ...1 टिस्पून

*लाल तिखट...1/4 टिस्पून

*किसमिस...20..25

 वाढताना ...

 * बारीक चिरलेला कांदा ... 1 वाटी

 * बारीक चिरून टोमॅटो ... 1/2 वाटी

 * बारीक चिरलेली कोथिंबीर ... 1/4 वाटी

 * साजूक तुप

 कृती ...

 * तुरीची डाळ स्वच्छ धुऊन  30 मिनिटे पाण्यात भिजवून ठेवा.  30 मिनिटानंतर, 3 वाटी पाणी आणि हळद घालून कुकरमध्ये शिजवा. हाय गॅस वर  10 मिनिटे व मंद गॅसवर 10 मिनिटे शिजवा.

 * कुकर थंड झाल्यावर वरण छान घोटून एकजीव करावे, आणि 1वाटी पाणी घाला.  बाजूला ठेवा.

*आतील सारण साठी चे सर्व साहित्य एकत्र करून छान मिसळून घ्या.

 * फळां साठी सर्व साहित्य मिसळा आणि 1/२ वाटी पाणी वापरुन घट्ट कणीक भिजवून ठेवा.10 मिनिटे मुरू द्या.

 * 10 मिनिटानंतर,  लहान लहान पुरी करा आणि   फोटोमध्ये दर्शविलेल्या प्रमाणे , थोडे थोडे सारण भरून, पुरी नीट घट्ट बंद करून गोल आकार  द्या.

 * गॅसवर एक मोठं भांडे किंवा कढई ठेवा, तेल गरम करा, त्यात मोहरी घाला.

 * फोडणी झाल्यावर त्यात हिंग, हिरवी मिरची व कढीपत्त्याची पाने घाला.

 * घोटलेले वरण घाला, मीठ, गोडा मसाला, गुळ आणि चिंचेचा कोळ घाला.  नीट मिसळा.

 * 3 वाटी पाणी घालून गॅसवर उकळी येऊ द्या, जेव्हा ते छान उकळण्यास सुरवात होईल, आधीच तयार केलेले फळं एक एक करून काळजीपूर्वक घालावे.

 * गॅस मध्यम आचेवर ठेवा, 5 मिनिटात फळं पृष्ठभागावर तरंगू लागतील..  याचा अर्थ ते शिजले आहेत आणि सर्व्ह करण्यासाठी तयार आहेत.

 * गॅस बंद करा.

 * एका सर्व्हिंग Bowl  मध्ये 4....5 फळ घाला, वरण घाला, कच्चा कांदा, टोमॅटो , तुप आणि कोथिंबीर घालावी.

 टीप ...

 1) तुम्ही चिंचेच्या कोळाऐवजी कच्ची कैरी चा किस किंवा कोकम/ आमसुले किंवा लिंबू रस वापरू शकता.