#रेणूरसोई शेंगदाणे लाडू शेंगदाण्याचे हे लाडू अतिशय मऊ, चवदार चविष्ट आहेत. छोट्या-मोठ्या भुकेसाठी उत्तम आहेत लहान मोठे सगळे खाऊ शकतात व सर्वांना अतिशय आवडतात. गुलाबी थंडीत तर गुळ व दाणे , किंवा तिळ व गुळ अतिशय आवश्यक आहे .... त्वचा स्निग्ध होते....शरीराला उर्जा मिळते... बिस्कीट खाण्यापेक्षा शतपट पौष्टिक.... तेव्हा बघूया शेंगदाण्याचे लाडू... साहित्य.... *शेंगदाणे.... 2 वाटी 1 वाटी...150 मिली *गुळ चिरून... 1 वाटी *साजूक तूप... 1 टिस्पून *दुध... 1 टेबलस्पून *वेलची पूड...1/4 टिस्पून... ऐच्छिक कृती... *शेंगदाणे मंद आचेवर खमंग भाजून घ्या. गार झाल्यावर साले न काढता, मिक्सरमध्ये बारीक वाटून घ्यावे. वाटताना अधूनमधून मिक्सर चे झाकण काढून चमचा वापरून वर खाली करून घ्या. जाडसर वाटले तरी चालेल. हा शेंगदाणे कूट एका पसरट भांड्यात किंवा परातीत काढून घ्या. *गॅस वर एका जाड बुडाच्या कढईत तूप घालून लगेच गुळ व दुध घालून, चमच्याने ढवळत राहावे. गुळ विरघळला कि गॅस बंद करावा. हि कृती मंद आचेवर करा. *वेलची पूड घालावी, व हा पाक परातीतील शेंगदाणे कूट मिश्रणात घालून चमच्याने छान एकत्र करावे. दोन चार मिनिटे छान एकत
गुळाचे शंकरपाळे
#रेणूरसोई
हे शंकरपाळे अतिशय खमंग व खुसखुशीत लागतात.
शंकरपाळे दूध, चहा व कॉफी कशा सोबत ही छान लागतात.
दिवाळीच्या चटक-मटक फराळाचं सोबत मध्येच थोडेसे गोड खायला मधुर लागतात.
साहित्य-
*गूळ...1 वाटी
1 वाटी... 150 मिली.
*तुप...1/2 वाटी
*पाणी...3/4 वाटी
*मीठ... चिमूटभर...ऐच्छिक
*बेसन... 3 टेबलस्पून
*कणिक... 3.5 ते 4 वाटी
कृती...
* प्रथम भांड्यात पाणी गरम करायला ठेवा. त्यामध्ये चिरलेला गूळ , तूप व मीठ घाला. अधूनमधून ढवळत गूळ पूर्ण विरघळून घ्या. गॅस बंद करा.
*हे पाणी पूर्ण गार झाल्यावर त्यात कणिक + डाळीचे पीठ मिसळून गोळा करा आणि तासभर झाकून ठेवा. कणिक कमी जास्त प्रमाणात लागू शकते.
*नंतर त्याची मध्यम जाडीची पोळी लाटून शंकरपाळे कापा.
*एका कढईत तेल तापवून ,तेल गरम झाल्यावर आच कमी करून, खमंग तळून घ्यावे.
* हे शंकरपाळे गार झाल्यावर छान खुसखुशीत लागतात. पुर्ण थंड झाल्यावर डब्यात भरून ठेवा.
We tried this recipe at home. Finger licking delicious shankarpale!!! Non greasy and very light. This is my breakfast, lunch and dinner now.
ReplyDeleteThank you so much 🙏🏼
Delete