Sweet Shankarpale

 

गोड शंकरपाळे

#रेणूरसोई

गोड शंकरपाळे

 हे शंकरपाळे खूप खुसखुशीत व सुंदर लागतात. अगदी एकदा खायला लागलो की खातच रहावे असे वाटते...

करायला अतिशय सोपे व भरपूर होतात..

साहित्य ....

*दूध किंवा पाणी... 1 वाटी

1 वाटी...150 मिली

*साखर... 1 वाटी

*तेल...  1 वाटी

*मीठ... चिमुटभर

*मैदा...  5 वाटी

*तेल... तळण्यासाठी

कृती...

*दूध,साखर,तूप एका भांड्यात एकत्र करून साखर विरघळून घ्या.

*गॅस वर भांडे ठेऊन एक उकळी येऊ द्या, पातेले खाली उतरवून  गार होऊ द्यावे. 

*आणि मग त्यात मावेल इतका मैदा घालून छान घट्ट पीठ भिजवून घ्यावे. हे पीठ झाकण ठेवून तासभर मुरत ठेवा. मैदा  थोडा कमी जास्त प्रमाणात लागू शकतो.... लागेल तेवढाच घालावा.

*एक तास झाल्यावर परत चांगले मळून घेऊन त्याची जाड पोळी लाटून घेऊन चौकोनी शंकरपाळे कापून घ्या.

 * शंकरपाळे तेलात मध्यम आचेवर गुलाबी रंग येईपर्यंत तळून घ्या.

*गार झाल्यावर डब्यात भरून ठेवा.

टीप --

1)ज्यांना दूध नको असेल त्यानी दूध पाणी अर्धे अर्धे घ्या किंवा नुसते पाणी घ्या .

2) सनफ्लॉवर तेल वापरावे.

3) आवडत असेल तर शुद्ध तुपाचे मोहन घालू शकता. पण तेल घालून सुद्धा अतिशय चवदार लागतात.