बेसन वडी भात

#रेणुरसोई
 #बेसन #वडी #भात
 बेसन वडी भात हा अतिशय चवदार चविष्ट प्रकार आहे.
हा भात व सोबत कढी किंवा चिंचेचे खमंग सारं....दुसरे काही नको... सगळे जण जेवुन तृप्त होतात.
गोळा भातासारखाच लागतो...
 संपूर्ण संतुलित आहार ... कार्बोहायड्रेटस, प्रोटीन आणि जीवनसत्त्वांनी परिपूर्ण ...
 खुप मस्त व पोटभरीचा 😋😋😋😋
 साहित्य ...

 वडीसाठी ...
 * बेसन किंवा चणाडाळीचे पीठ ... 1 वाटी 200मिली
 * तेल ... 4 टेबलस्पून
 * मीठ ... 1 टीस्पून
 * लाल तिखट ... 1 टीस्पून
 * हळद ... 1/2 टीस्पून
 * खसखस ​​... 2 टीस्पून
 * आले वाटून... 1/2 टीस्पून
 * लसूण वाटून... 1/2 टीस्पून
 * चिरलेली कोथिंबीर ... 1 टेबलस्पून
 * पाणी ... 1 वाटी... 200 मि.ली.
कृती...
* बेसन, मीठ आणि पाणी एकत्र गुठळी होऊ न  देता छान कालवून घ्या.
*खसखस भाजून घ्या ​​आणि बाजूला ठेवा.
*कढईत तेल गरम करून त्यात आलं पेस्ट, लसूण पेस्ट आणि हळद घाला.
* एक मिनिट परता.
 *लाल तिखट आणि बेसनाचे मिश्रण घालावे.
छान एकत्र करा.  गॅस मध्यम आचेवर ठेवा..
 * हे मिश्रण सतत ढवळत रहा, त्याचा छान गोळा होईपर्यंत हलवत रहा.
 *मग एका तेल लावलेल्या ताटलीत हे मिश्रण  पसरवा,  वरतुन भाजलेली खसखस ​​आणि कोथिंबीर देखील पसरवा.
 *गार झाल्यावर आपल्या आवडीच्या आकारात वडी कापा.
 * आपली वडी तयार आहे.

 भात ...
 साहित्य ...
 * ता़दुळ... 1 वाटी ... २०० मिली
 * भात शिजवण्यासाठी पाणी ... 2 वाटी... तांदळाच्या दुप्पट प्रमाणात
 कृती...
 * स्वच्छ पाण्याने दोनदा तांदूळ धुवा.
 * मग दोन वाटी पाणी घालून कुकरमध्ये एक शिट्टी होईपर्यंत शिजवून गॅस बंद करावा.
 *गार झाल्यावर बाहेर काढून चर्या.

 फोडणीसाठी ...
 * तेल ... 4 टेबलस्पून
 * मोहरी ...1/2 टीस्पून
 * हिंग पुड ... 1/4 टीस्पून
 * सुक्या लाल मिरच्या ... 4 ...तोडुन घ्या
 कृती ...
 * लोखंडी कढई किंवा तडका पॅनमध्ये तेल गरम करून त्यात मोहरी घाला, तडतडल्यावर
 हिंग आणि तुकडे लाल मिरची चे तुकडे घाला.
 * गॅस बंद करा.

चिंचेचे सार
 * चिंच ... लिंबाएवढी
 * गुळ ... चिंचेच्या अर्धा
 * तेल ... 2 टेबलस्पून
 * लाल तिखट ... 1/2 टीस्पून
 * मीठ ... 1 टीस्पून
 * कढीपत्ता ... 8
 * हळद ... 1/4 टीस्पून
 * हिंग पावडर ... 1/4 टीस्पून
 * मोहरीचे बियाणे ... एक चिमूटभर
 * चिरलेली कोथिंबीर ... 1 टेबलस्पून
 पद्धत ...
 * चिंच स्वच्छ करा, सर्व धागे व बिया काढा.  एका वाटी पाण्यात 30 मिनिटे भिजवा.
 * 30 मिनिटांनी व्यवस्थित कुस्करून कोळ करून घ्या.
 * आता कढईत तेल गरम करून त्यात मोहरी घाला, फोडणी झाल्यावर त्यात हिंग, हळद आणि कढीपत्ता घाला.
 * काही सेकंद परता.  लाल तिखट आणि चिंचेचा कोळ घाला.
 * नीट परतून घ्या, त्यात तीन कप पाणी, गूळ आणि मीठ घाला.
 * मध्यम आचेवर पाच मिनिटे उकळा.
 * पाच मिनिटांनंतर गॅस बंद करा.  चिरलेली हिरवी कोथिंबीर घाला.
सर्व्हिंगसाठी ...
 एका बशीत भात वाढा, त्यावर 4 वड्या  थोड्या कुस्करून घाला,  एक चमचा खमंग फोडणी घाला. मस्त पैकी कालवून चिंचेच्या सारा बरोबर खा. झक्कास लागतो.