Mysore Sadha Dosa... Marathi

#रेणुरसोई
 #दोसा #मैसूर
 मैसूर साधा दोसा
आमच्या घरी सकाळच्या नाश्त्याला दोसा हा अत्यंत  आवडता पदार्थ आहे....व ते पण वेगवेगळ्या प्रकारचे दोसे असतील तर अजून छान 👌👌
तेंव्हा आज चवदार मैसूर साधा दोसा  केला. अतिशय चवदार आणि स्वादिष्ट 😋😋😋😋
 मैसूर चटणी स्वादिष्ट असल्याने बटाट्याची भाजी  किंवा सांबारची गरज नव्हती.
मी घरी सहज उपलब्ध असलेले साहित्य वापरून ही रेसिपी केली आहे.

 साहित्य ...
 दोसा...साठी
 *तांदूळ ... 3 वाटी
एक वाटी...200 मिली
 * उडीद डाळ ... 3/4 वाटी
 * तुर डाळ ... 1/4 वाटी
 * मेथी दाणे ... 1/4 टीस्पून
 * मीठ ... 3 टीस्पून
 *तेल ... दोसे करण्यासाठी
 म्हैसूर चटणीसाठी ...
 * चिरलेला कांदा .... 1/2 वाटी
 * लसूण सोलून ... 5 पाकळ्या
 * फुटाण्याच्या डाळ्या.... 1 टेबलस्पून
 * चिंच... सुपारी एवढी
 * लाल मिरची ... 7..8
 किंवा ... लाल तिखट ... 2 टीस्पून
 * मीठ ... 1/2 टीस्पून
 पद्धत ...
 डोसासाठी ...
 * तांदूळ आणि दोन्ही डाळ धुवा.  पाण्यात 7..8 तास भिजवा.  तसेच मेथीची दाणे घाला.
 * मिक्सरमधून बारीक वाटून घ्यावे.
 * 5 ते 6 तास आंबू द्या.
 * मीठ घालून व्यवस्थित एकत्र करावे.
 * लोखंडी तवा 3 मिनिटे गरम करा, तेल पसरवा, २ मिनिटे तापू द्या.
 * एक कांदा अर्धा कापून घ्या, कांद्यामध्ये एक काटा किंवा चाकू घाला.
 * आता तव्यावर १/4 टीस्पून तेल पसरवा, कांद्याने पुसून घ्या, असे केल्याने दोसा तव्याला चिकटणार नाही.
आता तव्यावर 2..3 टेबलस्पून पीठ पातळ पसरून, चारी बाजूंनी तेल सोडून घ्या.
 २..3 मिनीटे मध्यम आचेवर शिजू द्या.
 * सगळ्या बाजूंनी हलके  सोडवून घ्या आणि आवश्यक असेल तर दुसऱ्या बाजूला अगदी एक मिनिट शिजवावे. दोसा पलटवुन त्यावर म्हैसूर चटणी पसरवा.
 * गरमागरम सर्व्ह करा ... खूप चवदार आणि चटकदार लागतो ... 😋😋😋

मैसूर चटणीसाठी कृती ...
 * लोखंडी तवा गरम करा ... 3 टीस्पून तेल घालून तवाभर पसरवा.
 * तव्यावर चिरलेला कांदा आणि लसूण घालून परतून घ्या ...अर्धवट शिजल्यावर त्यात भाजकी फुटाण्याची डाळ घालावी...2..3 मिनिटे खमंग परतून, लाल तिखट किंवा लाल सुक्या मिरच्या घाला.
 * फक्त एक मिनिट परतावा,  गॅस बंद करावा, तव्यावरून काढा.
 * थंड झाल्यावर चिंच आणि मीठ घाला.
 * प्रथम पाणी न घालता मिक्सरमधून बारीक वाटून घ्या, मग अगदी थोडे पाणी घालून घट्टसर चटणी वाटावी. छान पसरवता आली पाहिजे.