#रेणूरसोई #मोदक #उकडीचे उकडीचे मोदक विघ्नहर्ता श्री गणेश हे आपल्या सगळ्यांचेच आवडते दैवत 🙏🏻 बुद्धी ची देवता, सुखकर्ता, दुःखहर्ता अशा या गणरायाला अतिशय प्रिय असणारा प्रसाद म्हणजे मोदक... घरोघरी होणारे मोदक हे तितकाच आनंद देतात व वेगवेगळ्या चवीचे, आकाराचे असतात... आज बघु या उकडीचे मोदक... साहित्य... 1 वाटी... 150 मिली. *तांदूळ पिठी... 1 वाटी *पाणी... 1 वाटी *मीठ... 1/4 टिस्पून *तुप... 1 टिस्पून *ओले खोबरे किसून... 1 वाटी गच्च भरून *गुळ चिरून... 1/2 वाटी *वेलदोडे पूड... 1/4 टिस्पून (ऐच्छिक) कृती... *एक वाटी गच्च भरून ओल्या खोबऱ्याचा कीस व अर्धी वाटी गूळ हे मिश्रण एका जाड बुडाच्या कढईत घालून छान एकत्र करावे. मध्यम आचेवर गॅसवर गुळ विरघळेपर्यंत शिजवून घ्यावे. आवडत असल्यास वेलदोडा पुड घालावी. *एक वाटी पाणी ,चिमूटभर मीठ व एक टीस्पून तूप एका जाड बुडाच्या कढईत किंवा भांड्यात उकळायला ठेवावे . *उकळी आल्यावर गॅस बंद करून ,एक वाटी तांदूळ पीठ घालावे छान एकत्र करावे .पुन्हा गॅस चालू करून त्यावर झाकण दोन मिनिटं वाफ द्यावी. *गॅस बंद करून, दहा ते पंधरा मिनिटे तसेच राहू द्यावे . * नंतर उकड
#रेणूरसोई मेथी चे थालीपीठ बरेच वेळा थालीपीठ खायची इच्छा होते. पण घरात भाजणी नसते अशा वेळेला हे खालील मिश्र पीठ वापरून केलेले थालीपीठ खूप कुरकुरीत होते व सुंदर आणि चवदार लागते. मेथी व कांद्याचा खमंग सुवास घरभर दरवळतो... थालीपीठ चवदार लागते पाहू या मिश्र पीठाने केलेले थालीपीठ.. *बाजरी पीठ... एक वाटी *मका पीठ... एक वाटी *बेसन ...अर्धी वाटी *चिरलेली मेथी.. दोन वाटी *चिरलेला कांदा ...एक वाटी *हिरव्या मिरच्या चिरून ...तीन *तिखट ...दीड टीस्पून *मीठ ... दिड टीस्पून *चिमूटभर ओवा *हळद ...पाव टी स्पून *तीळ... दोन टीस्पून कृती... *सगळे साहित्य एकत्र करून पाण्याने भिजवणे. *भाकरीच्या पीठ सारखं सैल हवे.. तव्यावर तेल पसरवून हाताने थालीपीठ पाण्याच्या हाताने थापून घ्या. *थालीपीठात चार पाच भोक पाडून त्या मध्ये तेल घालून व बाजूला पण तेल सोडून , झाकण ठेवून एका बाजूने कुरकुरीत भाजून दुसऱ्या बाजूने *झाकण न ठेवता कुरकुरीत लाल करून घ्या. आपले खमंग थालीपीठ तयार आहे..