Gola Bhat...

 

#रेणुरसोई

 #गोळा#भात

 गोळाभात हा अतिशय चवदार चविष्ट प्रकार आहे.

हा भात व सोबत कढी किंवा चिंचेचे खमंग सारं....दुसरे काही नको... सगळे जण जेवुन तृप्त होतात.

गोळा भात फार अप्रतिम लागतो...

 संपूर्ण संतुलित आहार ... कार्बोहायड्रेटस, प्रोटीन आणि जीवनसत्त्वांनी परिपूर्ण ...

 खुप मस्त व पोटभरीचा 😋😋😋😋

 साहित्य ...

 गोळ्या साठी ...

 * बेसन किंवा चणाडाळीचे जाडसर/ रवाळ पीठ ... 1 वाटी 200मिली

 * तेल ... 4 टीस्पून

 * मीठ ... 1/2 टीस्पून

 * लाल तिखट ... 1 टीस्पून

 * हळद ... 1/4 टीस्पून

 * आले वाटून... 1/2 टीस्पून

 * लसूण वाटून... 1/2 टीस्पून.... ऐच्छिक

 * हिंग पुड...1/4 टीस्पून

 * पाणी ... 1 वाटी... 200 मि.ली.

कृती...

* बेसन, व सर्व मसाले एकत्र करून हळूहळू  पाणी घालून गुठळी होऊ न देता भिजवून घ्या.

* हे पीठ 30 मिनिटे मुरू द्या.

* मग त्याचे छोटे गोल गोळे करून मुठीने हलके दाबुन मुठीया करा.

*एका मोठ्या  कढईत पाणी गरम करून ठेव त्याच्यावर एक रोळी ठेवा,  व हे मुठे/ गोळा पंधरा मिनिटे वाफवून घ्या. गॅस बंद करा.

 भात ...

 साहित्य ...

 *तांदुळ... 1 वाटी ... २०० मिली

*तेल... 2 टेबलस्पून

*मोहरी...1/4 टिस्पून

*हळद...1/4 टिस्पून

*मीठ... 1 टिस्पून

 * भात शिजवण्यासाठी पाणी ... 3 वाटी

 कृती...

 * स्वच्छ पाण्याने दोनदा तांदूळ धुवा.

 * मग एका जाड बुडाच्या भांड्यात तेल तापवून मोहरी घालून फोडणी करा.

नंतर हळद व तांदूळ घालून दोन मिनिटे तांदूळ परतून घ्या.

*तीन वाटी पाणी व मीठ घालून छान ढवळा व भात शिजवून घ्या. गॅस बंद करावा.

 *झाकण ठेवून भात मुरू द्या.

* फोडणीसाठी ...

 * तेल ... 4 टेबलस्पून

 * मोहरी ...1/2 टीस्पून

 * हिंग पुड ... 1/4 टीस्पून

 * सुक्या लाल मिरच्या ... 4 ...तोडुन घ्या... ऐच्छिक

 कृती ...

 * लोखंडी कढई किंवा तडका पॅनमध्ये तेल गरम करून त्यात मोहरी घाला, तडतडल्यावर

 हिंग आणि तुकडे लाल मिरची चे तुकडे घाला.

 * गॅस बंद करा.

चिंचेचे सार

 * चिंच ... लिंबाएवढी

 * गुळ ... चिंचेच्या अर्धा

 * तेल ... 2 टेबलस्पून

 * लाल तिखट ... 1/2 टीस्पून

 * मीठ ... 1 टीस्पून

 * कढीपत्ता ... 8

 * हळद ... 1/4 टीस्पून

 * हिंग पावडर ... 1/4 टीस्पून

 * मोहरी ... एक चिमूटभर

 * चिरलेली कोथिंबीर ... 1 टेबलस्पून

 पद्धत ...

 * चिंच स्वच्छ करा, सर्व धागे व बिया काढा.  एका वाटी पाण्यात 30 मिनिटे भिजवा.

 * 30 मिनिटांनी व्यवस्थित कुस्करून कोळ करून घ्या. 

 * आता कढईत तेल गरम करून त्यात मोहरी घाला, फोडणी झाल्यावर त्यात हिंग, हळद आणि कढीपत्ता घाला.

 * काही सेकंद परता.  लाल तिखट आणि चिंचेचा कोळ घाला.

 * नीट परतून घ्या, त्यात तीन कप पाणी, गूळ आणि मीठ घाला.

 * मध्यम आचेवर पाच मिनिटे उकळा.

 * पाच मिनिटांनंतर गॅस बंद करा.  चिरलेली हिरवी कोथिंबीर घाला.

सर्व्हिंगसाठी ...

 एका बशीत भात वाढा, त्यावर 4 गोळे कुस्करून घाला,  एक चमचा खमंग फोडणी घाला. मस्त पैकी कालवून चिंचेच्या सारा बरोबर खा. झक्कास लागते.