Onion Thalipith

#रेणूरसोई
#थालीपीठ
बरेच वेळा थालीपीठ खायची इच्छा होते.
पण घरात भाजणी नसते अशा वेळेला हे खालील मिश्र पीठ वापरून केलेले थालीपीठ खूप कुरकुरीत होते व सुंदर आणि चवदार लागते.
हे थालीपीठ ज्वारीच्या पिठाचे आहे, ज्वारीचे पीठ उन्हाळ्यात खाल्ले पाहिजे. भरपुर कांदा व कोथिंबीर मुळे पण थंडावा मिळतो.
कांद्याचा खमंग सुवास घरभर दरवळतो... थालीपीठ चवदार लागते
पाहू या मिश्र पीठाने केलेले थालीपीठ..


* ज्वारी पीठ... एक वाटी
*तांदूळ पीठ... अर्धी वाटी
*बेसन ...अर्धी वाटी
*चिरलेली कोथिंबीर.. दोन टेबलस्पून     
*चिरलेला कांदा ...एक वाटी
*हिरव्या मिरच्या चिरून ...तीन
*तिखट ...दीड टीस्पून
*मीठ ... दिड टीस्पून
*धनेपूड...एक टिस्पून
*चिमूटभर‌ ओवा
*हळद ...पाव टी स्पून
* खोबरेल तेल...पाव वाटी
कृती...
*सगळे साहित्य एकत्र  करून पाण्याने भिजवणे.
*भाकरीच्या पीठ सारखं सैल हवे.. तव्यावर तेल पसरवून हाताने थालीपीठ पाण्याच्या हाताने थापून घ्या.
* थालीपीठ हे भाकरी पेक्षा ही जाडसर असते.साधारण टेनिस बॉल एवढे पीठ घेतले तर पाच..सहा इंच पसरवून थालीपीठ थापावे.
*थालीपीठात चार पाच भोक पाडून त्या मध्ये तेल घालून व बाजूला पण तेल सोडून , झाकण ठेवून एका बाजूने कुरकुरीत भाजून दुसऱ्या बाजूने
*झाकण न ठेवता कुरकुरीत लाल करून घ्या. आपले खमंग थालीपीठ तयार आहे..