Drumsticks Curry

#रेणूरसोई
शेवग्याच्या शेंगांची आमटी
छान चवदार हिरव्यागार शेवग्याच्या शेंगा मिळाल्या होत्या.
घरी आणल्या बरोबर पटकन चिरून सुंदर आमटी केली .
गरमगरम भात त्यावर साजूक तूप, आमटी... आहाहा इतकं सुंदर लागले 😋😋
साहित्य...
*शेवग्याच्या शेंगा... एक पाव
*तेल... एक टेबलस्पून
*बेसन... एक टेबलस्पून
*चिंचेचा कोळ ...एक टेबलस्पून
*सुक्या खोबर्‍याचा किस ...अर्धा टेबल स्पून *तिखट... एक टीस्पून
*हळद...पाव टीस्पून
*मीठ ... एक टिस्पून
*गोडा मसाला... एक टिस्पून
*गुळ... एक टेबलस्पून
*जिरे ...चिमूटभर
*हिंग ...चिमूटभर
*कढीलिंबाची पाने...10
कृती..
*शेवग्याच्या शेंगांचे दोन तीन इंच लांबीचे तुकडे करावे. थोडेसे सालं काढून घ्यावे.
*शेंगांचे तुकडे मावतील तेवढे पाणी घालून एका भांड्यात झाकण ठेवून पाच मिनिटे शिजू द्यावे. *शेंगा पाण्यासकट बाजूला ठेवून द्यावे.
*एका कढईत तेल तापवून मोहरी व जिरे घालावे. तडतडल्यावर  त्यानंतर हिंग व बेसन गुलाबी रंगावर परतून घ्यावे.
* मग हळद, तिखट ,गोडा मसाला, खोबरे कीस घालून परतावे.
*चिंच गुळाचा कोळ, वाफवलेल्या शेंगांचे तुकडे  व कढीपत्ता  घालून छान एकत्र करून दोन वाट्या पाणी घालून , छान उकळी द्या.
*गॅस बंद करा, आपली आमटी तयार आहे.
*गरम गरम शेवग्याच्या शेंगाची आमटी भात आणि तुपासोबत सुंदर लागते.